O noso director

Naceu en Calvos de Randín (Ourense), no ano 1962.

Aos dez anos iniciou os seus estudos musicais no Seminario Menor de Ourense, onde estuda solfexo, piano e canto coral.

Durante varios anos viaxa a Madrid para estudar acordeón co Profesor Gregorio López Peiteado. Continúa a súa formación en piano e acordeón no conservatorio de Ourense e posteriormente no Conservatorio Superior de Música de Barcelona, onde alcanza o título de Profesor.

Nesta etapa de formación recibe varios premios en distintos certames, destacando o primeiro premio de investigación do conservatorio profesional de Ourense polo traballo “Vida e obra de Mozart”. Tamén realizou estudos de música coral co mestre Rubén Martínez (Subdirector do coro de RTVE).

A súa vida profesional transcorre como músico en distintas agrupacións percorrendo a xeografía Europea, así como director de formacións corais e profesor de solfexo, piano e acordeón.

Desde o ano 1997 dirixe a súa propia escola de música, recoñecida pola Xunta de Galicia.